Технолошко-технички факултет по повод одбележувањето на 16 години Универзитет „Гоце Делчев“ организираше презентација на модели изработени од студентите од насоката Дизајн на текстил и облека.

Презентирана беше инсталација во вид на изложба на модели, модни додатоци, модни илустрации и проекција на моден излог, а фокусот беше ставен на студентите, на нивната идеја, креативност и неконвенционален визуелен јазик и уметнички приказ.

Освен модели, беа изложени и прехранбени добра изработени од студентите од насоката Прехранбена технологија.

Настанот доживеа висок публицитет и посетеност, не само од раководниот тим на Универзитетот, на прво место ректор, проректори, универзитетски професори и студенти, туку и од страна на еминентни уметници, матуранти, ученици и заинтересирани граѓани.