Студентите од Технолошко-технички факултет со изработка на детска колекција се претставија на модна ревија во Благоевград, Бугарија, на Југозападниот универзитет „Неофит Рилски" на Факултетот за уметности, насоката Моден дизајн.

Студентите беа под менторство на проф. м-р Ванѓа Димитријева, по покана од Факултетот за уметности.

Соработката со Факултетот за уметности е остварена минатата година кога првпат тие гостуваа на завршна модна ревија на Технолошко-технички факултет.  Студентите од Технолошко-технички факултет ќе имаат уште многу можности да се претстават на Југозападниот универзитет „Неофит Рилски“ благодарение на соработката со асистент м-р Мариа Онтева и поканата на деканот на факултетот д-р Васил Марков, кој има интерес оваа соработка да ја продолжи со размена на студенти, размена на наставнички кадар и идни заеднички проекти.