„Биди и ти дел од високата мода“ беше насловена изложбата со креации на студентите од Технолошко-техничкиот факутлет која се одржа во НУЦК „Марко Цепенков“ во Прилеп.

На настанот, под менторство на доц. м-р Јордан Ефремов, се претставија студенти од втора и од трета година на ТТФ по предметите Современа уметност и дизајн и Психологија на облекување.

Основен мотив на изложбата по предметот Современа уметност и дизајн беше апликација и примена на дела од современата ликовна уметност во дизајнирани модни производи. Додека идејата по предметот Психологија на облекување беше креирање на модели за различни пригоди и настани.

На изложбата беа изложени околу 40 цртежи во комбинирана техника, потоа беа изработени креации на модели со помали димензии, а изложбата траеше три дена.