Технолошко-техничкиот факултет во Штип, во рамки на додипломските студии (прв циклус), нуди повеќе наставни програми од областа на технологијата на текстил и облека, технологијата на материјали и прехранбената технологија. Наставните програми се современи, сеопфатни и прилагодени како на домашниот, така и на глобалниот пазар на труд. Стекнатите знаења и вештини ќе ви овозможат широк избор на работни позиции, како и можности за понатамошен професионален развој во индустрискиот и технолошкиот сектор.
Со комплетирање на додипломските студии на Технолошко-техничкиот факултет, студентите се стекнуваат со соодветен академски назив во избраната област, а дипломите се меѓународно признаени.
Дизајн и технологија на текстил и облека
Студиската програма Дизајн и технологија на текстил и облека е насочена кон едукација на стручен и креативен кадар кој активно ќе придонесува кон развојот и унапредувањето на текстилната индустрија како значајна индустриска гранка.
Програмата обезбедува темелни теоретски и практични знаења од областа на текстилните материјали, дизајнот на облека и технолошките процеси на производство. Преку современ наставен пристап, студентите стекнуваат креативни, аналитички и технолошки компетенции неопходни за проектирање, развој и производство на текстилни производи и облека.
Дипломираните инженери се подготвени за работа во сите сегменти на текстилната и модната индустрија, вклучувајќи текстилни и конфекциски компании, дизајнерски студија, производствени и трговски организации, институции за контрола на квалитет, како и истражувачки и образовни установи.
Студиската програма Дизајн и технологија на текстил и облека на прв циклус на студии се реализира во траење од 4 години, односно осум семестри и носи 240 ЕКТС кредити по Европскиот кредит трансфер систем.
- Дипломиран инженер технолог по дизајн и технологија на текстил и облека; во меѓународен промет академски назив: Bachelor of Science in Design and Technology of Textile and Clothing.
Прехранбена технологија
Студиската програма Прехранбена технологија на прв циклус на студии се реализира во траење од 4 години, односно осум семестри и носи 240 ЕКТС кредити по Европскиот кредит трансфер систем.
По завршувањето на студиите студентот се стекнува со 240 ЕКТС кредити и со стручен назив:
Дипломиран инженер технолог од областа на прехранбена технологија; стручен назив: Bachelor of Science in food technology.
Технологија на материјали
Студиската програма Технологија на материјали на прв циклус на студии се реализира во траење од 4 години, односно осум семестри и носи 240 ЕКТС кредити по Европскиот кредит трансфер систем.
По завршувањето на студиите студентот се стекнува со 240 ЕКТС кредити и се стрекнува со академски назив: Дипломиран инженер технолог од областа на инженерство на материјали/во меѓународен промет академски назив: Graduate engineer of technology in the fielfd of material engineering.
Инженерство на технологии, материјали и иновации
Студиската програма Инженерство на материјали, технологии и иновации на Технолошко-технички факултет е насочена кон едукација на современи и компетентни инженери подготвени за работа во индустриски и технолошки системи.
Програмата обезбедува темелни знаења за структурата, својствата и примената на материјалите, технолошките процеси на нивна обработка, како и методите за нивно испитување, анализа и контрола на квалитетот.
Посебен акцент се става на развојот на аналитичко размислување, технички компетенции и способност за решавање инженерски проблеми во реални производствени услови. Преку лабораториска и практична настава, како и соработка со компании и истражувачки институции, студентите стекнуваат практични знаења и искуства, како и директен увид во современите индустриски процеси.
По завршувањето на студиите, дипломираните инженери се оспособени за работа во производствени компании, лаборатории за контрола на квалитет, научноистражувачки и развојни центри, како и во сектори за развој на нови материјали, технологии и иновации.
Студиската програма „Инженерство на материјали, технологии и иновации“ на прв циклус на студии се реализира во траење од 4 години, односно осум семестри и носи 240 ЕКТС кредити по Европскиот кредит трансфер систем.
По завршувањето на студиите студентот се стекнува со 240 ЕКТС кредити и се стрекнува со академски назив: Дипломиран инженер технолог по инженерство на материјали, технологии и иновации/во меѓународен промет академски назив: Bachelor of Materials Engineering, Technologies and Innovation.