На 27ми април 2026 година, доц. д-р Екатерина Намичева Тодоровска од Технолошко-Технички факултет ја одржа првата академска онлајн сесија во склоп на ABC School при Универзитетот „Гоце Делчев“ – Штип, со што официјално започна оваа заедничка иницијатива реализирана во соработка со партнери од Литванија, вклучувајќи го и Литванскиот инженерски колеџ .
Оваа воведна сесија е дел од програмата ABC (Applied Bleded Challenge) School „The Isar Workshop – Sustainable Urban Design in Dialogue with Nature and Community“, меѓународен курс каде студентите и професорите работат на реални предизвици преку практична и колаборативна работа.
Почетокот на онлајн сесиите претставува прв чекор во динамичното едукативно патување кое ќе продолжи со теренска работа во Штип, обединувајќи интердисциплинарно знаење, практично искуство и значајна размена.
